E megjithatë këto ligje janë ende në fuqi!
Ligjet mund të jenë të nevojshme në një shoqëri sepse ka nevojë për rregulla, por ka ligje që janë vërtet në kufi me çmendurinë apo me absurdin, dhe nuk janë aspak të nevojshëm apo të duhet të ndryshohen.
Nuk mund të ndodhin gjëra të tilla në vitin 2026, por…
Britani – Nuk mund të dehesh në një pub
Ligji nuk është aq i çmendur në formulimin e tij, por në zbatimin e tij. E megjithatë, besoni ose jo, në Britani është e paligjshme të dehesh në një pub. Domethënë, është e ndaluar të dehesh në një vend që shërbehet alkool. Megjithatë, anglezët nuk duket se e marrin shumë seriozisht, pasi milionë e shkelin çdo ditë.
Los Angeles – Mos hidhni frisbee-n
Nëse doni të luani me frisbee në Los Angeles me ndonjë mik apo me qenin, së pari duhet të merrni leje nga një roje plazhi. Nuk e dimë nëse ligji nënkupton parqet, por në plazh patjetër duhet të merrni leje, sepse ata që lahen mund të bezdisen. Megjithatë, nëse filloni të luani, rojtari i plazhit ka të drejtë t’ju kërkojë të ndaloni dhe nëse bëni zhurmë, policia do t’ju çojë në gjykatë, ku do të paguani një gjobë prej 1,000 dollarësh. Nëse nuk paguani, do të arrestoheni për krim.
Polonia – “Winnie the Pooh” është i ndaluar
Mund të mos e duam arushin pelush të dashur me të folurit bezdisës të ngadaltë, por nuk do ta besonim kurrë se dikush do ta ndalonte atë. E megjithatë polakët vendosën ta bënin. Bluzat dhe produktet e tjera me Winnie the Pooh janë të ndaluara të vishen nga fëmijët ose të rriturit në fushat e lojërave, sepse Winnie ka “seksualitet të dyshimtë”, me konservatorët e vendit që i referohen atij si një “hermafrodit”.
Tajlandë – Dilni me të brendshme
Në Tajlandë është e paligjshme të ecni në rrugë, domethënë në publik, nëse nuk keni veshur të brendshme. Mund t’ju ndalojnë në rrugë dhe t’ju kontrollojnë nëse keni veshur të brendshme dhe nëse nuk keni veshur të brendshme, do t’ju fusin brenda. Nuk e dimë se cili është dënimi i saktë, por nëse jeni ndonjëherë në Tajlandë, vishini të brendshmet që të mos keni surpriza!
Australi – Kini kujdes nëse jeni në ceremoni martese
Në Australinë Jugore ekziston një ligj nga viti 1953, i cili u rinovua në vitin 1992. Është e paligjshme të ndërpritet një martesë ose ndonjë ceremoni tjetër fetare, si funerali, etj. Ligji nuk sqaron saktësisht se çfarë nënkuptohet me ndërprerje, kështu që edhe trokitja apo bërtitja mund të konsiderohen të tilla, por një gjë dihet, nëse konsiderohet që veprimi që bëre është ndërprerje, dënimi është ose 10,000 dollarë ose 2 vite burg.
Filipinet – Divorc? Jo!
Filipinet janë i vetmi anëtar i OKB-së, ligji i të cilit ndalon dhënien e divorcit brenda kufijve të shtetit. Mund ta anuloni një martesë menjëherë pasi të jetë kryer, ndërsa myslimanët mund të divorcohen për disa arsye që lidhen ekskluzivisht me fenë e tyre. Përndryshe, nëse nuk divorcoheni menjëherë pas martese, nuk keni mundësi ta bëni më vonë. Ka vetëm një vend tjetër në botë që nuk e lejon divorcin, Vatikani…!
Florida – Pordha ka një ditë pushim të enjten në mbrëmje
Nuk e dimë pse, kush ose si u përhap ky ligj dhe është ende në fuqi sot. Askush nuk duket se interesohet për të, por është ende në libra. Pra, në Florida, është e paligjshme të bësh pordhë në publik pas orës 6 pasdite të enjteve, deri në orën 00:00 të mesnatës. Shumë pyetje ngrihen për këtë ligj absurd: Pse pas orës 6 pasdite, pse të enjteve, por askush nuk merr mundimin të japë përgjigje. Të gjithë kur e dëgjojnë kënaqen dhe mesa duket e lënë për relike të së shkuarës.
Samoa – Mos harroni ditëlindjen e gruas
Në Samoa, Oqeani, është e paligjshme të harrosh ditëlindjen e gruas. Sigurisht, askush në polici nuk e ka këtë informacion në sistemin elektronik dhe as nuk do të vijnë të të trokasin në derën për të hetuar nëse i keni uruar gruas ditëlindjen. Sidoqoftë, nëse gruaja raporton në polici që harruat ditëlindjen e saj, ju fusin në burg për një natë. Pra, burrat në Samoa nëse duan qetësi mendore thonë “Gëzuar ditëlindjen”. Megjithatë, ka dhe ndonjë burrë që i duhet një natë të jetë qetësinë tij, brenda një qelie, të mos ju duket çudi.
Greqia – Martesa vetëm nëse publikohet
Për t’u martuar në Greqi, duhet ta publikoni në një gazetë, vetëm në gjuhën greke, ditën, emrat dhe vendin e ceremonisë. Nëse jetoni diku ku nuk ka gazetë lokale, nuk mund t’i shpëtoni, duhet ta vendosni në tabelën e njoftimeve të bashkisë. Dhe kjo duhet të bëhet 8 ditë përpara aplikimit tuaj për leje martese. Dhe nëse martesa nuk kryhet brenda gjashtë muajve nga njoftimi, duhet të përsëritet.
Source:
Weird Laws
