Miliona termosa nga një kompani e njohur po tërhiqen nga tregu, pas incidenteve të verbërisë së përhershme!
Gabimi në prodhim dhe mungesa e një valvule!
Prodhuesi i njohur i enëve izotermale “Thermos”, njoftoi se po tërheq miliona produkte të tij në të gjithë botën pas incidenteve të verbërisë.
Nga të gjitha rreziqet e mundshme që dikush mund të shoqërohet me përdorimin e një ene izotermale për ushqim ose pije, verbëria e përhershme është sigurisht shumë poshtë në listën e incidenteve.
Megjithatë, sipas raporteve zyrtare të konsumatorëve, ky është një rrezik shumë real.
Deri më tani, të paktën 27 persona kanë paraqitur ankesa duke deklaruar se kanë pësuar lëndime, prerje të thella në përpjekje për të hapur kapakët.
Gabimi në prodhim dhe mungesa e një valvule
Disa modele të Thermos kanë një defekt në dizajn që mund të ketë pasoja dramatike për përdoruesit.
Rreziku ndodhet në kapakët që janë projektuar për të parandaluar rrjedhjet dhe për të ruajtur nxehtësinë.
Nëse ushqimet ose pijet që prishen ruhen për një kohë të gjatë, brenda enës krijohet presion i lartë, gjë që bën që kapaku të dalë me dhunë kur përdoruesi përpiqet ta hapë.
Ndryshe nga enët e tjera izotermale në treg, këto modele me defekt nuk kanë një valvul çlirimi presioni.
Kjo rezulton në hedhjen e kapakëve me shpejtësi shumë të lartë, duke goditur dhe lënduar konsumatorët.
Nga 27 ankesat e përmendura të personave që u lënduan, tre kanë të bëjnë me humbje të përhershme të shikimit.
Thermos ka njoftuar tërheqje të më shumë se 8 milionë enëve si rezultat i raporteve të mësipërme, duke pranuar zyrtarisht se defekti në dizajn mund të çojë në lëndime serioze.
Sipas faqes së internetit të kompanisë Thermos, aktualisht kompania rimburson blerësit dhe kërkesat për zëvendësimin e produkteve ekskluzivisht për klientët e prekur brenda Shteteve të Bashkuara (në këtë fazë).
Source:
KTLA 5 (YT)
