E majta duket se do ta rifitojë qytetin ikonik verior, një shenjë e mundshme e erërave politike në ndryshim të Italisë para zgjedhjeve të përgjithshme të vitit të ardhshëm.
Venecia zgjedh kryebashkiakun e saj më 24 dhe 25 maj.
Votimi po ndiqet nga afër si prova e parë zgjedhore për koalicionin e krahut të djathtë të Melonit që nga humbja e referendumit mbi reformën në drejtësi, në mars 2026 dhe do të ofrojë të dhëna nëse rrjedha politike e Italisë do të ndryshojnë përpara zgjedhjeve të përgjithshme vitin e ardhshëm, apo do të vazhdojë të mbetet djathtas.
Në vitet e fundit, kampi konservator e shndërroi Venecian në një fushëbetejë të madhe ideologjike, duke kërkuar të nxjerrë institucionet elitare kulturore nga kontrolli i së majtës dhe duke festuar emërimin e aleatëve të krahut të djathtë për të drejtuar ekspozitën kulturore të Bienales dhe teatrin e operës La Fenice. I pavaruri i qendrës së djathtë Luigi Brugnaro e ka udhëhequr qytetin për më shumë se një dekadë. Por e majta tani mendon se është gati t’i japë fund kontrollit të djathtë mbi Venecian – një nga rreth 900 bashkitë që zhvillojnë zgjedhje të dielën dhe të hënën.
Sondazhet në fillim të majit treguan se qendra e majtë kishte një epërsi prej tetë pikësh, por nga ana tjetër, pothuajse gjysma e votuesve ishin të pavendosur.
Ndërsa e majta po merr zemër nga sondazhet, gara e Venedikut ekspozon gjithashtu dobësinë kronike të opozitës së fragmentuar të Italisë.
