“Shfrenim” për Metallica-n.
“Athinë, zgjohu!” shkruan grupi para koncertit të madh në OAKA.
Pritet një koncert mbresëlënës.
Prezenca e Observatorit të Athinë në koncert, ka për qëllim të shqyrtohet nëse lëvizja masive dhe e sinkronizuar e spektatorëve, 80 mijë në numër, mund të krijojë mikro-dridhje të matshme.
Instituti Gjeodinamik i Observatorit Kombëtar të Athinës njoftoi në një botim sot, të shtunën (9/5) se po monitoron koncertin e Metallica-s në OAKA me një sizmograf.
Qëllimi është të shqyrtohet nëse lëvizja masive dhe e sinkronizuar e dhjetëra mijëra spektatorëve mund të krijojë mikro-dridhje të matshme në tokë.
Siç thuhet në njoftimin përkatës:
“Në vitet e fundit, fenomene të ngjashme janë regjistruar në koncerte të mëdha ndërkombëtare, ku energjia e audiencës krijoi dridhje të dobëta sizmike, të njohura si “tërmete koncertesh”.
Koncerti sonte është një mundësi e shkëlqyer për të studiuar këtë fenomen edhe në Greqi, pasi prania e dhjetëra mijëra spektatorëve mund të lërë gjurmën e vet sizmike”.
Athina dhe OAKA po lëvizin në ritme rock, pasi koncerti i shumëpritur i Metallica-s po shkakton tashmë mobilizim trafiku dhe organizimi në kryeqytet, me policinë dhe Bashkinë në gatishmëri të plotë për pjesëmarrjen e madhe.
Autoritetet vlerësojnë se mijëra spektatorë nga e gjithë Attika dhe jashtë saj, po transformojnë zonën përreth stadiumit, në një zonë me mbikëqyrje të shtuar dhe akses të kontrolluar.
Imazhi përreth stadiumit tashmë të kujton ngjarjet e mëdha ndërkombëtare sportive ose muzikore, me “shfrenim” për Metallica-n që ka filluar shumë kohë para se të dëgjohej nota e parë.
Vetë grupi duket se po lëviz me të njëjtin ritëm.
“Athinë, zgjohu!” shkruajnë ata në llogarinë e tyre zyrtare, duke parashikuar një koncert “të nxehtë” në OAKA.
Sources:
Athens News
