Sipas vlerësimeve fillestare, një çift holandez u ekspozua ndaj virusit atje!
Argjentina është në qendër të një hetimi ndërkombëtar shëndetësor pas një shpërthimi të Hantavirusit në anijen turistike MV Hondius, me autoritetet që po shqyrtojnë një vend depozitimi mbetjesh (landfill) në periferi të Ushuaias, në pjesën jugore të vendit, si një burim të mundshëm infeksioni.
Sipas vlerësimeve fillestare, një çift holandez u ekspozua ndaj virusit atje, që besohet se kanë qenë në fillim të zinxhirit të transmetimit gjatë një ekskursioni për vëzhgimin e zogjve. Zona tërheq një numër të madh vizitorësh për shkak të botës së saj të pasur të shpendëve, por të njëjtat kushte mjedisore favorizojnë gjithashtu praninë e brejtësve që mbartin virusin.
Hantavirusi transmetohet përmes kontaktit me urinën, pështymën ose jashtëqitjet e brejtësve të infektuar.
Në rastin e MV Hondius, ekspertët e konsiderojnë veçanërisht shqetësuese që u zbulua i ashtuquajturi lloji i Andeve, varianti i vetëm i njohur i virusit që mund të transmetohet nga personi në person. Kjo besohet se ka kontribuar në përhapjen e rasteve midis pasagjerëve pasi çifti hipi në anije.
Rasti nxori në pah edhe çështjen e tërheqjes së Argjentinës nga Organizata Botërore e Shëndetësisë. Tërheqja e vendit nga OBSH-ja, ashtu si Shtetet e Bashkuara, hyri në fuqi në mesin e marsit, duke shkaktuar reagime ndërkombëtare.
Drejtori i Përgjithshëm i OBSH-së, Tedros Adhanom Ghebreyesus, u bëri thirrje publikisht të dy vendeve të rishqyrtojnë vendimin e tyre, me qeverinë argjentinase që u përgjigj se mund të vazhdonte bashkëpunimin ndërkombëtar për çështjet shëndetësore pa qenë anëtare e organizatës. Megjithatë, vendi vazhdon të ruajë bashkëpunimin teknik me Organizatën Pan-Amerikane të Shëndetësisë.
Dhe tani, pikërisht tani që Argjentina iku nga OBSH, virusi ka origjinën nga Argjentina, thonë instancat ndërkombëtare, për të bërë “shplarjen” e trurit dhe efektin e asaj që “sapo iku, ja ç’pësoi”!
Rolin qendror në transmetimin e llojit të Andeve e luan Oligoryzomys longicaudatus, i njohur edhe si “miu me bisht të gjatë” ose colilargo. Ky është një brejtës i vogël, i egër, që jeton në Argjentinën jugore dhe Kili dhe konsiderohet rezervuari natyror i virusit.
Speci është endemik dhe i mbrojtur, dhe luan një rol të rëndësishëm në ekosistem, duke transportuar fara dhe duke qenë pjesë e zinxhirit ushqimor. Kafshët e infektuara zakonisht nuk shfaqin simptoma të sëmundjes, por ato mund ta transmetojnë virusin tek njëra-tjetra, kryesisht gjatë sezonit të çiftëzimit.
Shkencëtarët vërejnë se popullatat e këtyre brejtësve tregojnë luhatje të mëdha në varësi të kushteve klimatike, disponueshmërisë së ushqimit dhe ndërhyrjeve njerëzore, siç janë shpyllëzimi dhe zgjerimi i bujqësisë.
Të gjitha më sipër na thuhen me mungesë totale përgjegjësie nga OBSH, e cila e ka ndryshuar 4 herë variantin e shpjegimit të origjinës, të infektimit, transmetimit nga njeriu tek njeriu dhe e gjithë historia i ngjan pikërisht virusit të pandemisë, ku çdo ditë shfaqej një variant i ri rrëfimi, që padyshim ishte diametralisht i kundërt me të vërtetën.
Ka diçka që nuk shkon. Diçka po përgatisin, por nuk dihet nëse do ja dalin, apo sa do ja dalin, duke menduar kush e drejton superfuqinë përtej Atlantikut.
Sources:
WHO
