Anëtar i Gardës Revolucionare mbante një hartë të shtëpisë së Ivanka Trump.
32-vjeçari Mohammad al-Saadi akuzohet për sulme terroriste në Europë dhe SHBA dhe dyshohet se planifikoi hakmarrje për vdekjen e Qassem Soleimani.
Ivanka Trump dyshohet se u vu në shënjestër të një komploti vrasjeje nga një person i lidhur me Gardën Revolucionare të Iranit, sipas informacioneve nga mediat amerikane.
32-vjeçari irakian Mohammad Baqer Saad Daoud al-Saadi u arrestua në Turqi dhe u ekstradua në Shtetet e Bashkuara, ku përballet me akuza të rënda për sulme terroriste dhe plane për të vepruar në Europë dhe Amerikë.
“Hakmarrje” për vdekjen e Soleimani
Sipas zbulimeve, al-Saadi dyshohet se planifikoi vrasjen e Ivanka Trump në hakmarrje për vrasjen e gjeneralit iranian Qassem Soleimani nga një operacion amerikan me dron, në Bagdad, në vitin 2020.
Informacionet tregojnë se i pandehuri kishte në zotërim një hartë të rezidencës së Ivanka Trump dhe Jared Kushner në Florida, ndërsa ai kishte bërë edhe postime kërcënuese në mediat sociale.
Në njërën prej tyre, ai dyshohet se shkroi se as Shërbimi Sekret Amerikan nuk mund t’i mbronte objektivat e tij, duke iu referuar “monitorimit dhe analizës”.
Akuza për aktivitet terrorist ndërkombëtar
Autoritetet amerikane pretendojnë se al-Saadi luajti një rol të rëndësishëm në rrjetet terroriste të lidhura me Iranin dhe Irakun.
Sipas Departamentit të Drejtësisë të SHBA-së, ai akuzohet për 18 sulme ose tentativa sulmesh në Europë dhe Shtetet e Bashkuara.
Ndër të tjera, ai akuzohet për:
-zjarrvënien e një dege banke në Amsterdam;
-një sulm me thikë ndaj dy hebrenjve në Londër;
-të shtëna me armë në konsullatën amerikane në Toronto;
-planifikimin e sulmeve ndaj sinagogave dhe objektivave hebraike në Belgjikë dhe Holandë;
Lidhje të ngushta me Gardën Revolucionare
Sipas ekspertëve dhe ish zyrtarëve që citojnë raportet amerikane, al-Saadi mbajti marrëdhënie të ngushtë me Qassem Soleimani dhe pasardhësin e tij në Gardën Revolucionare.
Në fakt, ai dyshohet se u transferua në Teheran që në moshë të re për arsimim, ndërsa përdorte një agjenci udhëtimesh për turizëm fetar, si mbulesë për kontaktet me qelizat terroriste.
Prani me aktivitet të dendur në mediat sociale
Fakti që i pandehuri mbajti një prani me aktivitet të dendur në mediat sociale, duke publikuar foto nga udhëtimet, si dhe imazhe të armëve, raketave dhe instalimeve ushtarake, është veçanërisht mbresëlënës.
Në një postim të tij të mëparshëm, pas vdekjes së Soleimanit, ai kishte shkruar: “Do t’i braktis mediat sociale derisa armiku amerikan të mposhtet… fitore ose martirizim”.
Pavarësisht kësaj deklarate, ai vazhdoi aktivitetin e tij online, duke nderuar ushtarët iranianë që u vranë në operacionet amerikane në postimet e tij.
Ai po mbahet në një burg të Brooklin dhe sipas autoriteteve amerikane, al-Saadi po mbahet nën masa të rrepta sigurie në Qendrën Metropolitane të Paraburgimit në Brooklin, ndërsa çështja konsiderohet veçanërisht serioze për sigurinë kombëtare të Shteteve të Bashkuara.
***
Është arrestimi i tij nga shteti turk një përpjekje e Turqisë për t’u afruar me presidentin dhe Shtetet e Bashkuara?!
Source: Fox News
