Një grua e vrarë dhe 1,700 të evakuuar.
SANTO DOMINGO, një grua u vra dhe gati 1,700 turistë u evakuuan për shkak të një zjarri të madh në një hotel në vendpushimin bregdetar dominikan të Bayahibe, thanë autoritetet lokale, të premten.
Francesca Valentino, një grua 46-vjeçare italiane, u vra në zjarrin në Viva Wyndham Dominicus Beach Hotel (WH.N), tha shërbimi i urgjencës DAEH në një deklaratë të tij.
Tre persona u dërguan në mjediset mjekësore dhe gjashtë të tjerë u trajtuan në vend, tha DAEH.
Të prekurit përfshinin mysafirë, vizitorë dhe ndihmës të urgjencës.
Videot e shpërndara nga mediat lokale treguan re të errëta tymi që ngriheshin mbi vijën bregdetare të Karaibeve, ndërsa flakët përfshinë çatinë prej kashte të vendpushimit, thuajse në të gjitha banesat e hotelit.
“Vëzhgimet paraprake tregojnë se zjarri u përhap me shpejtësi për shkak të natyrës së ndezshme të pjesëve të strukturave të çatisë të bëra nga palma, si dhe kushteve të erës”, tha Qendra e Operacioneve të Emergjencave (COE) e vendit.
Zjarri u vu nën kontroll, por shkaqet e tij ende po hetohen, tha qendra e operacioneve.
Vizitorët u zhvendosën në hotelet aty pranë. Viva Wyndham Dominicus Palace, pjesë e të njëjtit zinxhir, që nuk pësoi dëme.
“Aktivitetet turistike në Bayahibe dhe zonën përreth mbeten të paprekura dhe vazhdojnë të zhvillohen në mënyrë të sigurtë dhe normale”, shtoi COE.
Wyndham Hotels and Resorts, e cila zotëron rreth 8,400 hotele në të gjithë botën, tha në një deklaratë se ishin të trishtuar nga vdekja e vizitorëve dhe i dërguan ngushëllimet familjes së saj.
Kompania shtoi se hoteli në pronësi dhe operim të pavarur ishte i mbyllur dhe do të mbetej i tillë deri në një njoftim të mëtejshëm.
E famshme për ujin e pastër dhe plazhet me rërë të bardhë, Republika Dominikane është destinacioni kryesor turistik i Karaibeve, teksa ka pritur rreth 5.6 milionë vizitorë në pesë muajt e parë të këtij viti.
Source: Reuters
