Zvicra ka përjetuar një thatësirë të madhe që nga pranvera, për shkak të faktit se reshjet ishin dukshëm nën mesataren shumëvjeçare.
Niveli i Liqenit të Zyrihut, në Zvicrën veriore, ra dje në nivelin e tij më të ulët në 75 vite, sipas të dhënave nga Zyra Federale për Mjedisin (OFEV).
Sipas OFEV, Zvicra ka përjetuar “një thatësirë të rëndë që nga pranvera, për shkak të faktit se reshjet ishin dukshëm nën mesataren shumëvjeçare dhe temperaturat shpesh tejkalonin vlerat e zakonshme për sezonin”.
“Kjo situatë ka rezultuar kryesisht në tokat që mbeten të thata dhe niveli i ujërave sipërfaqësore dhe nëntokësore është i ulët”, shtoi agjencia federale, duke shpjeguar se thatësira “është përkeqësuar në javët e fundit”.
Si pasojë, në shumë liqene niveli i ujit është nën mesataren sezonale dhe ato të “Liqenit e Constance, Wallen, Zyrih dhe Zug, si dhe Liqenit Maggiore, si dhe disa liqeneve më të vegjël… nivelet janë jashtëzakonisht të ulëta për sezonin”, shpjegoi OFEV.
Megjithatë, siç i shpjegoi një zëdhënës i agjencisë Agjencisë Franceze të Lajmeve (AFP), vetëm niveli i Liqenit të Zyrihut, i gjashti më i madhi në vend, ka rënë në nivelin më të ulët të regjistruar ndonjëherë. Dje, niveli i liqenit nuk i kaloi 404.5 metra mbi nivelin e detit në stacionin matës Zurichhorn, duke rënë nën rekordin e mëparshëm prej 405.46 metrash të regjistruar në vitin 1952, vitin pas fillimit të matjeve në stacion.
“Nivelet shumë të ulëta të ujit në liqene mund të kenë, për shembull, ndikim në lundrim, objektet portuale dhe pikat e zbarkimit, si dhe në aktivitetet rekreative në ujë dhe në brigjet e liqenit”, thekson OFEV.
Kompania Ferry-lac Zurich, e cila operon në lidhjen midis Horgen (në bregun perëndimor) dhe Maillen (në bregun lindor), i ka informuar tashmë klientët e saj për kufizimet në transportin e automjeteve, për shkak të nivelit “jashtëzakonisht të ulët” të ujit, i cili e detyron operatorin të përdorë rampa për ngarkim dhe shkarkim.
Source: SwissInfo
