“Nëse Irani nuk i përmbahet marrëveshjes, unë do të bëj atë që është e nevojshme.”
Ngushtica e Hormuzit është e hapur.
Një paralajmërim të ri ndaj Teheranit, Presidenti i SHBA-së Donald Trump lëshoi të hënën nga Shtëpia e Bardhë.
“Po, kemi sukses të madh në negocimin e një marrëveshjeje të drejtë dhe të arsyeshme. Një nga gjërat që po bëjmë dhe ajo që u diskutua mbrëmë, është se fondet që do të lirohen, do të përdoren për të blerë ushqim dhe ushqimi do të blihet ekskluzivisht në Shtetet e Bashkuara nga fermerët tanë: misri, soja, gjithçka që u nevojitet do të blihet nga fermerët tanë. Pra, fermerët tanë janë shumë të gëzuar për këtë. Kam pasur shumë telefonata nga njerëz shumë të kënaqur”, tha presidenti i SHBA-së.
Lidhur me lirinë e lundrimit përmes Ngushticës së Hormuzit, Trump tha:
“Po shkojmë shumë mirë në Ngushticën e Hormuzit. Dje morëm më shumë naftë sesa ka ardhur ndonjëherë përmes Ngushticës”, tha Presidenti i SHBA-së Donald Trump, duke folur nga Shtëpia e Bardhë.
“Ngushtica është plotësisht e hapur, e dini dhe po negociojmë. Do të shohim sesi do të shkojë, por kemi dy gjëra: e kemi Ngushticën e hapur dhe kemi një vend që nuk do të ketë kurrë armë bërthamore”, shtoi ai.
Vance largohet nga Zvicra:
“Themeli për një marrëveshje të suksesshme është hedhur.”
J.D. Vance u largua nga Zvicra pas bisedimeve me Iranin. “Kanë qenë 36 orë shumë produktive”, u tha zëvendëspresidenti amerikan gazetarëve para se të hipte në aeroplan.
Bisedimet me Iranin kanë hedhur “një themel të shkëlqyer për një marrëveshje përfundimtare të suksesshme”.
“Marrëveshja përfundimtare është shtëpia. Ne kemi hedhur themelet. Ende nuk e kemi ndërtuar shtëpinë, por kemi hedhur një themel të fortë për të arritur një rezultat pozitiv për popullin amerikan”, tha Vance.
Source: Associated Press
