Kur një nga “Peshqit e Apokalipsit” të frikshëm doli në bregun e një plazhi në Indonezi, në fund të muajit të kaluar, kjo mjaftoi për të shkaktuar frikë dhe ankth, pasi legjenda i tij është e lidhur me fatkeqësi që vijnë dhe janë shumë pranë.
“Peshku i Apokalipsit” doli në breg më 25 gusht, duke shkaktuar frikë për fatkeqësitë, tek vendasit. Një grup fëmijësh dhe një burrë i moshuar e çuan peshkun gati 13 metra larg plazhit.
Peshqit shoqërohen me fatkeqësi dhe profeci për apokalipsin, gjë që i ka dhënë emrin “Peshku i Apokalipsit”. Edhe pse nuk ka prova shkencore për të mbështetur këtë besim/bestytni, njerëzit vazhdojnë ta shoqërojnë atë me ngjarje të kobshme, të tilla si tërmete, cuname dhe përmbytje.
Megjithatë, gjashtë ditë më vonë, Indonezia përjetoi gjashtë shpërthime të njëkohshme vullkanike. Gjashtë vullkane shpërthyen në vend më 31 gusht.
Sipas Qendrës së Vullkanologjisë dhe Zbutjeve të Rreziqeve Gjeologjike (PVMBG), të paktën gjashtë shpërthime vullkanike ndodhën pothuajse njëkohësisht më 31 gusht.
Mali Sinabung shpërtheu në Sumatrën Veriore, ndërsa Mali Anak Krakatoa hodhi hi vullkanik deri në 50,000 metra në ajër mbi pjesë të Java dhe Sumatra.
Katër vullkanet e tjera janë Mali Ibu në Malukun Verior, Mali Lebotobi Peruaman dhe Mali Ili Lebotolok në Nusa Tenggara Lindore, dhe Mali Semeru në Java Lindore. Ndërkohë, drejtuesit e PVMBG, theksuan se gjashtë shpërthimet nuk janë të lidhura me njëra-tjetrën.
Një tjetër fatkeqësi ndodhi 4,600 kilometra larg Indonezisë, në Nepal, të nesërmen, më 26 gusht. Sipas raportimeve, përmbytjet e shpejta u shkaktuan nga shpërthimi i një liqeni akullnajor dhe rrëmbyen fshatra të tëra, duke vrarë më shumë se 1,300 njerëz.
“Peshqit e Apokalipsit” jetojnë në thellësi jashtëzakonisht të mëdha dhe rrallë dalin në sipërfaqe. Sipas traditës dhe gojëdhënave japoneze, shfaqja e tyre konsiderohet oguzi.
Ata njihen si “Ryūgū no tsukai”, që përkthehet si “Lajmëtar nga Pallati i Zotit të Detit”. Besohet se këta peshq dalin në sipërfaqe për të paralajmëruar njerëzimin.
Source: Protothema
