“Ne e njohim Teheranin siç e njohim Jerusalemin”, tha një zyrtar i inteligjencës izraelite.
Izraeli hakoi rrjetin e kamerave të trafikut të Teheranit për të monitoruar truprojat e Udhëheqësit Suprem Ajatollah Ali Khamenei dhe zyrtarëve të tjerë të lartë iranianë.
Kamerat e Iranit konsiderohen pjesë e aparatit të mbikëqyrjes së shtetit, pasi ato ndihmojnë në identifikimin dhe ndjekjen penale të protestuesve dhe kundërshtarëve të regjimit.
Megjithatë, Mossadi arriti t’i përdorë ato për qëllim krejt të kundërt. Kundër regjimit.
Izraeli thuhet se fitoi akses në kamera vite më parë dhe zbuloi se një kamerë e veçantë ishte pozicionuar në një kënd të tillë që tregonte se ku, anëtarët e ekipit të sigurisë së Khameneit, parkonin makinat e tyre.
Përmes kamerave, inteligjenca izraelite krijoi skedarë me adresat e truprojave, oraret e tyre të punës dhe njerëzit që ata ishin caktuar të mbronin.
Izraeli dhe SHBA-të gjithashtu ndërprenë shërbimin e telefonisë celulare në Rrugën Pasteur në Teheran, ku u vra Khamenei, në mënyrë që kushdo që përpiqej të kontaktonte truprojat dhe t’i paralajmëronte ata të merrte sinjal të zënë, sipas raportit.
“Ne e njohim Teheranin siç e njohim Jerusalemin”, tha një zyrtar i inteligjencës izraelite për Financial Times.
“Dhe kur e njeh [një vend] kaq mirë siç njeh rrugën ku je rritur, vëren edhe gjënë më të vogël që është e çuditshme.”
Thuhet se Izraeli përdori mjete dhe algoritme të inteligjencës artificiale që kishte zhvilluar për të renditur sasinë e madhe të të dhënave që kishte grumbulluar mbi udhëheqjen e Iranit dhe lëvizjet e saj, sipas një zyrtari që foli për gazetën britanike.
E gjithë sa më sipër duket se ka lejuar që Khamenei të identifikohej në takimin e së shtunës, 28 shkurt, ku u godit dhe për t’i njoftuar Mossadit dhe CIA-s se zyrtarë të lartë ishin duke shkuar në takim.
CIA kishte gjithashtu një burim njerëzor i cili ofronte informacione të rëndësishme, sipas burimeve.
