Fluturimi i EasyJet detyrohet të devijojë drejtim për shkak të një baterie në bagazh.
Një fluturim nga Egjipti për në Londër u devijua për arsye sigurie pas një raporti për një karikues portativ në ndarjen e bagazheve.
Një fluturim i EasyJet me destinacion Mbretërinë e Bashkuar u ndërpre, u devijua për në Romë për arsye sigurie pas një raporti për një bateri në ndarjen e bagazheve.
Fluturimi EZY2618, që fluturonte nga Hurghada, Egjipt, për në Londër, u ul në Aeroportin Fiumicino të Romës të martën në mbrëmje pasi piloti vendosi të devijonte drejtimin “në përputhje me rregulloret e sigurisë”.
Linja ajrore tha se devijimi ishte një masë paraprake pasi një anëtar i ekuipazhit u njoftua se një karikues portativ ishte në ndarjen e bagazheve të avionit. Edhe pse nuk kishte ndonjë problem teknik ose tregues të ndonjë defekti, proçedura u konsiderua e nevojshme bazuar në protokollet e sigurisë.
Fluturimi ishte në një lartësi prej rreth 36,000 këmbësh mbi Detin Adriatik kur bëri një ndryshim të menjëhershëm të kursit dhe u ul rreth 20 minuta më vonë në Romë, me pasagjerët që vazhduan udhëtimin e tyre të nesërmen.
Bankat e energjisë të bazuara në bateri litium-jon i nënshtrohen rregulloreve të rrepta ndërkombëtare, pasi ato paraqesin rrezik mbinxehjeje ose zjarri. Për këtë arsye, shumica e linjave ajrore lejojnë që ato të mbahen vetëm në bagazhin e dorës dhe jo në bagazhin e regjistruar, dhe përdorimi i tyre është i ndaluar gjatë fluturimit.
Rregullat e EasyJet përcaktojnë që karikuesit portativë duhet të mbahen ekskluzivisht në kabinë, me kufizime në përdorimin dhe kapacitetin e tyre, ndërsa udhëzime të ngjashme zbatohen nga linja të tjera ajrore të mëdha si Ryanair dhe British Airways.
Organizata Ndërkombëtare e Aviacionit Civil ka forcuar gjithashtu rregulloret për bateritë e litiumit, pasi incidente mbinxehjeje dhe zjarresh në avionë dhe aeroporte janë regjistruar vitet e fundit, duke nxjerrë në pah rrezikun që paraqesin këto pajisje kur nuk transportohen siç duhet.
Source: The Telegraph
