Lajmi se sistemi rus kundërajror S-400, i cili po bllokon riintegrimin e Turqisë në programin F-35, i është shitur një vendi të Gjirit dhe njoftimi përkatës që do të bëhet sot, u zbulua nga kolumnisti i gazetës Hurriyet, Abdulkadir Selvi.
“Në vend që të pyesim ‘çfarë do të ndodhë me S-400’, ndoshta duhet të pyesim ‘çfarë ndodhi me S-400′”, thotë gazetari me nënkuptim. Selvi shpjegon se u përpoq të zbulonte se çfarë ndodhi me sistemin rus që bleu Turqia dhe ku ndodhet ai sot.
“Sipas informacionit që kam mbledhur, sistemet S-400 i janë shitur një vendi të tretë. Shitja do të shpallet sot. Sistemet S-400 janë të destinuara për një vend të Gjirit. Dje, po bëheshin marrëveshjet përfundimtare. Më thanë se çështjet e fundit të pazgjidhura u zgjidhën deri në mesnatë. Disa thonë se janë Emiratet e Bashkuara Arabe, të tjerë përmendin Katarin. Gjëja më e mirë për të bërë është të presim njoftimin zyrtar”, shkruan gazetari.
Emiratet e Bashkuara Arabe, pas sulmeve iraniane me raketa dhe dronë, po kërkojnë sisteme kundërajrore, sipas kolumnistit.
Katari po bën të njëjtën gjë pas bombardimeve izraelite të vendeve ku ndodheshin operativë të Hamasit në Doha, shtatorin e kaluar.
Haberturk: Skenari që sistemet iu shitën Katarit në mënyrë që Turqia të mund të merrte gjashtë F-35.
Rrjeti turk Haberturk raportoi në analizën e tij se autoritetet turke po shqyrtojnë mundësinë e shitjes së S-400 në Katar për të hapur rrugën që Ankaraja që të marrë gjashtë luftëtarët e parë amerikanë F-35.
Megjithatë, rrjeti mediatik vëren se pilotët turq që u trajnuan në avionët luftarakë të gjeneratës së pestë, kanë dalë në pension dhe për këtë arsye do të duhet të trajnohen pilotë të rinj.
Çfarë është duke bërë Turqia? Po përpiqet të bashkohet me Amerikën, kundër Rusisë, përsa i përket armatimevem, duke i bërë karshillëk gjithashtu Europës?
Edhe nëse Kongresi amerikan aprovon marrjen e luftëtarëve F35, ato do të mund të shkojnë në Turqi pas 4 apo 5 vitesh. Në këtë periudhë të ndërmjetme çfarë do të ndodhë?
Në një analizë edhe më të hollë duket se Amerika, Europa dhe Rusia po e fusin në kurth Turqinë, duke e vënë gjithashtu përballë Iranit, aleatit të përhershëm.
Por Turqia nga ana e saj mendon se, teksa regjimi i Iranit po rrënohet nga sulmet amerikane dhe izraelite, duhet të ndryshojë menjëherë trajektore drejt Amerikës. Por a do të qëndrojnë indiferentë ndaj këtij qëndrimi të Turqisë, Irani, Rusia dhe Europa?
Source: Hurriyet
