Ortodoksia tani po tërheq personazhe të famshëm të Hollivudit.
Pse vizitoi Madonna, Meteorën, në Greqi. Po kërkon vallë shpengim në Ortodoksi? Pse shkoi Madonna në Manastirin Varlaam në Meteora?
Këngëtarja e famshme Madonna, e cila njihet për përqafimin e pikëpamjeve të teorisë mistike të Kabalës, bëri një vizitë në një nga monumentet më emblematike të Ortodoksisë që është e vështirë të interpretohet.
Këngëtarja 67-vjeçare po kalon pushimet në Korfuz me familjen dhe miqtë e saj të ngushtë, përpara ditëlindjes së saj të 68-të të dielën. Ylli u transportua me helikopter nga ishulli i Jonit, në zonën e Peristerës, pranë Kalambakës, dhe më pas u drejtua për në Manastirin e Shenjtë të Varlaamit (i njohur edhe si Gjithë Shenjtorët).
Këngëtarja e famshme, e cila siç shihet në materialin fotografik ishte e veshur me të bardha, ishte veçanërisht miqësore gjatë qëndrimit të saj në zonë, duke zgjedhur, megjithatë, të lëvizte diskret dhe të mbante një profil të ulët. Në fakt, murgjit hapën Manastirin e Varlaamit posaçërisht për vizitën e saj, pasi në atë kohë manastiri ishte mbyllur për publikun.
Madonna pati mundësinë të fliste me Abatin e Manastirit të Varlaamit, Atin Venedikt, në një takim që, siç u transmetua nga një murg, kishte një karakter të fortë personal dhe shpirtëror.
Gjatë bisedës së saj me Abatin, Madonna thuhet se tregoi interes të veçantë për çështjet shpirtërore dhe i kërkoi atij “këshilla shpirtërore”. Në të njëjtën kohë, sipas të njëjtit murg, ajo e pyeti për komboskinin e lutjes që mbante murgu në dorë.
Sipas medias lokale trikalavoice.gr, Madonna bëri një tur privat të territorit të manastirit shoqëruar nga Abati. Vizita ishte e shkurtër dhe diskrete dhe u zhvillua në prag të festës së Fjetjes së Virgjëreshës Mari.
Pas qëndrimit të saj afërsisht për tre orë në Meteora, Madonna u nis për në Korfuz, duke vazhduar pushimet e saj në Greqi.
Qëndrimi i saj në Meteora zgjati afërsisht tre orë, nga ora 16:00 deri në orën 19:00. Gjatë kësaj kohe, ajo ishte në Meteora, e shoqëruar nga dy guida turistike, ndërsa transporti i saj nga pika e uljes në manastir u ndërmor nga zyra e Visit Meteora. Shoqërimi dhe turneu i saj u ndërmorën nga Patricia Mania dhe Dominiki Kalafati.
Gjatë qëndrimit të saj në Greqi, këngëtarja ka mbajtur një profil veçanërisht të ulët, duke përdorur shalle, kapele dhe syze dielli të mëdha për të shmangur vëmendjen. Korfuzi është baza e saj kryesore për festimet e ditëlindjes, ndërsa raportet tregojnë se ajo mund të vazhdojë pushimet e saj në Patmos (ishulli ku u shlruajt) Apokalipsi.
Prania e saj në Meteora ngre pyetje nëse fetë e tjera nuk e përmbushin dhe nëse vendosi t’i drejtohet Ortodoksisë për arsye personale. Përveç kësaj, Ortodoksia po fiton gjithnjë e më shumë terren jashtë vendit, pasi shumë njerëz në nevojën e tyre për të kërkuar thelbin e vërtetë të jetës kanë gjetur në Krishterimin Ortodoks, atë që kanë kërkuar gjithmonë!
Në vitet e fundit, një interes në rritje për Ortodoksinë është vërejtur në vende të ndryshme jashtë vendit, veçanërisht nga njerëz që kërkojnë një marrëdhënie më të thellë dhe më të përjetshme me besimin. Famullitë dhe komunitetet ortodokse po zhvillohen edhe në zona pa një prani tradicionale ortodokse, ndërsa konvertimet, pagëzimet e të rriturve dhe përhapja e përmbajtjes ortodokse përmes internetit, po rrisin dukshmërinë e Kishës ndërkombëtarisht. Nga Europa Perëndimore dhe Shtetet e Bashkuara, deri në Azi dhe Afrikë, spiritualiteti ortodoks, tradita patristike dhe jeta e lashtë liturgjike duket se po tërheqin një audiencë të re, duke krijuar një fenomen të jashtëzakonshëm, që po fiton gjithnjë e më shumë përhapje në mbarë botën.
A mund të jetë Madonna një nga këto raste? Mund edhe të mos e mësojmë kurrë!
Source: Greek City Times
