Një 15-vjeçar nga Wiesbaden, Gjermani, arriti të futej me forcë në një depo, të hynte në një autobus dhe ta drejtonte atë për më shumë se 130 kilometra para se të kapej nga autoritetet.
Incidenti ndodhi të premten e kaluar (27/3) rreth orës 6 të mëngjesit, kur adoleshenti hyri me forcë në parking dhe gjeti çelësin kryesor të një autobusi. Megjithëse kamerat e sigurisë regjistruan lëvizjen e automjetit, stafi i kompanisë gabimisht supozoi se autobusi ishte marrë nga një shofer profesionist për itinerarin e planifikuar.
Policia u njoftua disa orë më vonë, pasi kompania zbuloi pas kontrollit të stafit, se asnjë punonjës nuk e kishte marrë automjetin.
U gjurmua me GPS dhe gjithçka u bë për një vajzë.
Autoritetet përdorën sistemin e gjurmimit GPS të autobusit dhe arritën ta gjenin shpejt atë në qytetin e Karlsruhe, rreth 130 kilometra nga vendi i vjedhjes.
Kur policia ndaloi automjetin për inspektim, ata u habitën kur panë një të mitur pas timonit. Siç pohoi djaloshi 15-vjeçar kishte shkuar atje me makinë për të marrë të dashurën e tij 14-vjeçare nga shkolla dhe në atë kohë po kthehej në Wiesbaden.
Një zëdhënës i policisë tha se mbeti mister sesi adoleshenti arriti të merrte çelësin, por edhe si dinte të drejtonte një automjet kaq të madh me një aftësi të tillë.
Pavarësisht natyrës së rrezikshme të veprimit të tij, autobusi iu kthye pronarëve të tij pa asnjë gërvishtje dhe për fat të mirë nuk u raportuan lëndime gjatë udhëtimit në autostradë.
Pasojat ligjore me të cilat do të përballet i mituri!
Hetimi për rastin është duke vazhduar, por 15-vjeçari përballet me akuza të rënda.
Këto përfshijnë vjedhjen e automjetit dhe drejtimin pa patentë, ndërsa kompania e autobusëve pritet të rishikojë masat e sigurisë në stacionin e saj për të shmangur incidente të ngjashme në të ardhmen.
