Irani dëshiron të shkojë drejt një “modeli të Koresë së Veriut”.
Në një deklaratë që ndryshon rrënjësisht skenën në Lindjen e Mesme, agjencia iraniane Fars News – e cila vepron si “zëdhënëse” e Gardës Revolucionare – hodhi “maskën” e regjimit: Teherani tani e konsideron blerjen e bombës atomike si të vetmen mënyrë për “të larguar opsionin ushtarak” nga tryeza e kundërshtarëve të tij.
Për vite me radhë, Irani ka trumbetuar se programi i tij bërthamor është ekskluzivisht paqësor. Qëndrimi i sotëm nga Fars News përbën një ndryshim rrënjësor. Ky nuk është një “gabim” ose “keqkuptim”, por një përgatitje komunikimi e terrenit. Qoftë për blerjen e armëve bërthamore, qoftë për përgatitjen e opinionit publik për armët që tashmë i ka në dispozicion.
Mesazhi për Uashingtonin dhe Tel Avivin është i qartë: Regjimi në Teheran nuk ka ndërmend të dorëzohet ndaj presionit nga sanksionet ose kërcënimet.
“Modeli i Phenianit”
Teherani duket se po përvetëson logjikën e Koresë së Veriut: parandalimi bërthamor është e vetmja “rrjetë sigurie” që mund të garantojë mbijetesën e sistemit kundër ndërhyrjes së jashtme. Pas dekadash “durimi”, Irani po tregon se ka humbur besimin në zgjidhjet diplomatike, aq sa mund të ketë diplomaci një regjim autoritar radikal.
Paqëndrueshmëria gjeopolitike, përplasjet e vazhdueshme me bombardimet e fundit amerikane dhe ndjenja se fuqia ushtarake e Iranit është nën presion po e çojnë regjimin drejt një strategjie dëshpërimi ose pushteti absolut. Ky njoftim nuk është thjesht retorikë; është një pranim se Irani beson se epoka e parandalimit “konvencional” ka mbaruar.
Nëse Irani me të vërtetë lëviz në këtë drejtim, Lindja e Mesme po hyn në një terren të panjohur dhe jashtëzakonisht të rrezikshëm. Njoftimi i Fars News është praktikisht “sinjali paralajmërues”.
Teksa flasin për blerje të bombës atomike / nukleare, dyshimet janë se irani mund tdhe të ketë në dispozicion një armë të tillë, të fshehur.
Shqetësim dhe alarm në Amerikë dhe Europë, përballë regjimit të terrorit.
Source: Fars News / Open Source Intel (X)
