Biznesmeni 52-vjeçar iu nënshtrua një ndërhyrjeje kirurgjikale dhe është i shtruar në Njësinë e Kujdesit Intensiv.
Ajdin Cavusoglu, vëllai i ish Ministrit të Jashtëm turk Mevlut Cavusoglu dhe presidentit të ekipit të futbollit Alanjaspor, Hasan Cavusoglu, u gjet i plagosur nga një e shtënë me armë zjarri në zyrën e tij në Antalia.
Biznesmeni 52-vjeçar iu nënshtrua një ndërhyrjeje kirurgjikale dhe është shtruar në Njësinë e Kujdesit Intensiv.
Sipas mediave turke, incidenti ndodhi të martën në mbrëmje (5/5), kur një e shtënë u dëgjua nga zyra e biznesmenit.
Pasi u njoftuan, policia dhe forcat shëndetësore nxituan në vendngjarje.
52-vjeçari u dërgua me urgjencë në spital, ku iu nënshtrua një ndërhyrjeje kirurgjikale. Informacionet e fundit tregojnë se gjendja e tij shëndetësore mbetet kritike dhe ai po trajtohet në njësinë e kujdesit intensiv.
Guvernatori i Antalias, Hulusi Sahin, vizitoi të plagosurin në spital, ndërsa autoritetet policore kryen një kontroll të gjerë si në zyrë, ashtu edhe në stacionin e benzinës. Në të njëjtën kohë, Mevlut Cavusoglu, i cili ndodhej jashtë vendit kur u informua për incidentin, raportohet se është kthyer me nxitim në Antalia.
Deri më tani, autoritetet turke nuk kanë njoftuar zyrtarisht rrethanat në të cilat ndodhi incidenti, ndërsa hetimi është në kulmin e tij.
Sources:
To Thema
