Janë pistoleta Glock pa numër serie dhe u transportuan nga një pomak.
Një hetim i madh po zhvillohet nga Autoritetet për 25 pistoletat e tipit Glock pa numër serie që u gjetën të shtunën, më 23 maj në Greqinë Veriore.
Këto janë “armë fantazmë”, pra armë të paregjistruara që nuk mbajnë asnjë shenjë ose numër, të cilat, sipas vlerësimeve të Autoriteteve të ndjekjes penale, ishin të destinuara për organizatat kriminale turke që veprojnë në Greqi.
Armët u transportuan me makinë nga Ksanthi në Komotini nga një pomak.
Të shtunën pasdite, automjeti u ndalua në rrugën komunale Ksanthi-Komotini.
Nga kontrolli në bagazhin e automjetit u gjet një çantë që përmbante 25 pistoleta dhe karikatorë identikë, të paketuara posaçërisht për t’i mbrojtur ato nga lagështia dhe kushtet atmosferike.
Autoritetet kishin marrë informacion se organizatat kriminale turke po trafikonin armë përmes Evros me qëllim furnizimin e bashkatdhetarëve të tyre që veprojnë në Greqi.
Transporti nga Ksanthi në Komotini dyshohet se ishte një fazë e ndërmjetme në trafikim.
Dy persona janë arrestuar, shoferi i automjetit dhe një person tjetër që dyshohet se ia dorëzoi makinën me armë, shoferit.
Hetimet po vazhdojnë nga Prokuroria e Krimit të Organizuar për të përcaktuar destinacionin përfundimtar të armëve dhe çdo rrjet më të madh trafikimi.
Source: ..
