Dëgjuam shumë thyerje xhami, tha meteorologu i stacionit, i cili përshkroi zhvillimin e fenomenit, me qetësi në transmetim ‘live’, ndërsa që jashtë mbretëronte kaosi.
Departamenti i motit i një stacioni televiziv të Alabamës u tregua i saktë në parashikimet e tij, kur një tornado goditi godinën ndërsa po transmetonte drejtpërdrejt.
Jordan Ambrose, meteorologu kryesor për WDHN TV, përshkroi zhvillimin e fenomenit, ndërsa kaosi mbretëronte jashtë.
“Duket sikur dëgjuam thyerje xhami. Nëse jemi në transmetim, nëse mund ta transmetojmë drejtpërdrejt: Një tornado sapo kaloi nëpër stacionin tonë, këtu në WDHN TV”, u tha ai teleshikuesve.
Pamjet e kamerave të sigurisë tregojnë momentin kur një punonjës i WDHN u pa në hollin e stacionit duke ikur nga një derë xhami ndërsa ajo filloi të thyhej nga erërat e stuhisë.
Dita tjetër zbuloi dëmet, me pemë të rrënuara jashtë ndërtesës dhe një tabelë me logon e stacionit të dëmtuar nga erërat e forta.
Tornadoja ishte një nga të paktën gjashtë që goditën shtetin gjatë fundjavës. Një front i ftohtë që kaloi nëpër Alabama të premten ishte shkaku i mundshëm i tornados. Kjo solli stuhi dhe erëra të forta me një shpejtësi maksimale të vlerësuar prej 107 mph. Rreth 2,000 banorë të Alabamës mbetën pa energji elektrike për shkak të motit, sipas hartave të ndërprerjeve të raportuara nga WTVY.
Ambrose, i cili u shfaq drejtpërdrejt të nesërmen, përshkroi terrorin që përjetoi, duke e quajtur përvojën “paksa nervoze”.
“Nuk do të gënjej” tha ai, “edhe pse shumë njerëz kanë thënë se isha i qetë, isha nervoz”.
“Pra, gjëja e parë që mendova ishte: Dëgjoj shumë zhurmë. A janë të gjithë të tjerët të sigurtë në stacion? Dhe dëgjova njerëz që shpërndaheshin drejt vendesh më të sigurta, si dhe dëgjova thyerjen e xhamit. Sapo ndodhi kjo, mendova: Në rregull, kjo është një situatë shumë serioze – por si ta komunikoj këtë në mënyrë efektive, ku mund të më dëgjojnë të gjithë?”, vazhdoi Ambrose.
Ai kujtoi sesi “thjesht mori frymë thellë” dhe e vendosi veten “në një situatë që mund ta përballoj”, përfundoi ai.
Source: WDHN TV
