Krimi i tmerrshëm ndodhi në vitin 2018, ndërsa shpallja e dënimit kundër autorëve u shty për më 19 qershor 2026.
Dy botanistë britanikë, Rod dhe Rachel Saunders, u vranë brutalisht në vitin 2018 nga mbështetës të ISIS në Afrikën e Jugut, ndërsa ishin në një mision për të kërkuar bimë të rralla në një zonë të largët pranë Durbanit.
Sipas një vendimi gjykate të lëshuar tetë vite më vonë, tre persona, të cilët ishin mbështetës të ISIS, u shpallën fajtorë për vrasjen e dyfishtë, pasi u provua se ata kishin ndjekur çiftin dhe i kishin sulmuar me qëllim grabitjen.
Gjykata dëgjoi se autorët i torturuan dy shkencëtarët për të nxjerrë të dhënat bankare, përpara se t’i vrisnin me thika dhe sende të rënda. Më pas u përpoqën t’i asgjësonin trupat duke i hedhur në një lumë në një zonë me krokodilë.
Rasti u përshkrua nga autoritetet si veçanërisht mizor dhe i organizuar, me të dënuarit që përfundimisht u identifikuan përmes gjurmëve dixhitale, transaksioneve me karta të vjedhura dhe provave të ADN-së.
Në shtëpinë e të pandehurve, rreth 29 kilometra larg vendit të krimit, njësia elitare Hawks gjeti një flamur të ISIS në kopsht, si dhe materiale propagandistike dhe literaturë të organizatës.
Lidhjet me ISIS-in e shtynë Ministrinë e Jashtme Britanike të lëshonte paralajmërime për një kërcënim të mundshëm terrorist kundër turistëve britanikë në Afrikën e Jugut, kur u zbulua se Del Vecchio dhe gruaja e tij ishin në një listë mbikëqyrjeje.
Pavarësisht gjetjeve, nuk u ngritën akuza për terrorizëm.
Dënimi përfundimtar nuk është shpallur ende, por të dënuarit përballen me mundësinë e burgimit të përjetshëm.
Source: The Mirror / Daily Mail
