Teksa Greqia dhe kryesisht rajoni i Attikës digjet dhe është pushtuar nga flakët, teksa qindra banesa janë djegur dhe mijëra grekë janë të pastrehë, kryeministri grek pushon në Kretë dhe vazhdon të ushtrojë pasionin e tij, që janë malet dhe biçikleta.
Të hënë, Kryeministri Kyriakos Mitsotakis u shtrua në spital në Hania të Kretës, pas një aksidenti me biçikletë në malet e zonës ku ndodhet vila e tij.
Sipas mediave lokale, kryeministri shkoi në departamentin ambulator të spitalit pasi ra nga biçikleta dhe pësoi dëmtime.
Mitsotakis u lëndua në dorë dhe gjithashtu pësoi gërvishtje në trup. Pasi mori ndihmën e parë emergjente dhe pasi u mbajt për një kohë në spital për të ekzaminuar situatën, kraministri grek u largua nga spitali.
Source: Europost
