Garda Revolucionare kërcënon: “Nëse nuk eksportojmë naftë, i gjithë Perëndimi do të paralizohet”!
Kolaps ekonomik dhe uri globale shikojnë iranianët, me pikë referimi veten e tyre.
Një skenar lufte totale po përhapet tashmë, ndërsa Lindja e Mesme po shndërrohet në depo baruti gati për të shpërthyer. Në një njoftim dramatik, Korpusi i Gardës Revolucionare Islamike (IRGC) lëshoi një ultimatum përfundimtar, duke kërcënuar me një “përgjigje shkatërruese dhe të paimagjinueshme për nga ashpërsia” në rast se Shtetet e Bashkuara guxojnë të ndërmarrin një tjetër goditje kundër tokës iraniane.
Teherani tani po tërheq fijet, duke shpallur në mënyrën më absolute se “i gjithë rajoni nuk do të njohë as edhe një sekondë paqe deri në eliminimin total të entitetit zionist”.
Kjo deklaratë nuk është thjesht një shpërthim retorik, por linja zyrtare e udhëheqjes ushtarake iraniane, e cila sheh forcat amerikane dhe izraelite të shtrëngojnë kontrollin e tyre mbi infrastrukturën e saj strategjike.
Skena e luftës tashmë i ka shpëtuar çdo kontrolli diplomatik. Sulmet ajrore të fundit nga SHBA-të dhe Izraeli, të cilat goditën pikat kyçe dhe bazat ushtarake brenda Iranit, kanë shkaktuar një valë zemërimi në Teheran.
Garda Revolucionare po e bën të qartë se çdo veprim i ri ofensiv do të konsiderohet si shkak për një luftë të përgjithshme dhe raketat e tyre tashmë janë drejtuar jo vetëm për në Tel Aviv, por edhe drejt të gjitha bazave ushtarake amerikane të shpërndara në Gjirin Persik.
Informacionet nga fronti i luftës tregojnë se mbrojtja ajrore iraniane është në gatishmëri të lartë, ndërsa Garda kërcënon t’i shndërrojë rafineritë dhe fushat e naftës të aleatëve të SHBA-së në rajon, në një ferr të madh të zjarrtë. Kërcënimi i përdorimit të “mjeteve jokonvencionale” të përgjigjes, tani qëndron si një fantazmë mbi ekuilibrin gjeopolitik.
Gjurmët mbi hi do të jenë vula përfundimtare në Ngushticën e Hormuzit
Mes kësaj paranoje lufte, Irani po përdor armën e tij më të fuqishme dhe vdekjeprurëse: kontrollin absolut të Ngushticës së Hormuzit. Udhëheqja ushtarake e Teheranit e ka bërë të qartë se lundrimi në arterien detare më kritike të botës është në thelb i vdekur për Perëndimin.
“Nëse Irani nuk mund të eksportojë, askush nuk do ta bëjë”, është mesazhi cinik i Gardës. Bllokada e Ngushticës tashmë po shkakton ndërprerje të pariparueshme në zinxhirin global të furnizimit, me tankerë të bllokuar dhe ekonominë globale që po mbytet.
Kolaps ekonomik dhe zi buke
Këto zhvillime dramatike kanë dërguar valë tronditëse në tregjet ndërkombëtare. Çmimet e energjisë kërcënojnë të rriten në nivele që do të sjellin shkatërrim total për ekonomitë perëndimore. Me Europën tashmë në prag të një krize të re borxhi dhe Gjermaninë që po zhytet në reçesion, perspektiva e një lufte të zgjatur në Lindjen e Mesme është fatale.
Analistët ekonomikë paralajmërojnë se nëse kërcënimet e Gardianëve realizohen dhe konflikti përhapet gjerësisht, planeti do të përballet jo vetëm me një krizë ekonomike, por me një zi buke globale, pasi transporti i ushqimit dhe karburantit do të paralizohet plotësisht.
Por këtu duhet të shtojmë se nëse globit i mungon 30% e naftës, Iranit i mungojnë 100% të të ardhurave. Për pasojë si do të mund të rezistojë për të bërë luftë kundër një aleance me superfuqinë në krye. Mos ndoshta e gjith zvarritja e negociatave po e çon Iranin drejt krizës humanitare?
Zero hapësirë për paqe dhe e vërteta e ashpër
Retorika e Gardës Revolucionare nuk lë hapësirë për manovra diplomatike apo kompromise, ose manovrat diplomatike amerikane po e shterojnë ekonominë iraniane.
Irani tani më për t’i dhënë pak frymë luftës kundër Amerikës, flet për “eliminim të zionistëve” duke i dhënë karakterin e një konflikti ekzistencial dhe totalitar.
Uashingtoni, nga ana e tij, nëpërmjet Donald Trump, këmbëngul në një qëndrim presioni ekstrem, por Teherani po dëshmon se nuk është i përgatitur të dorëzohet dhe i intereson një orë dhe më parë lufta, sa pa shteruar arka e shtetit.
Irani thotë se goditja tjetër, do të jetë e fundit, duke e zvarritur të gjithë globin në vorbullën më të errët dhe më të përgjakshme të historisë së tij. Ndërsa Amerika thotë që nëse Irani nuk pranon kushtet, do të kthehet në epokën e gurit, ose do të shuhet, ose do të nivelohet.
BREAKING NEWS:🚨🇮🇷🇺🇸 War heats up in the Strait of Hormuz. The Iranian Navy opened fire on an American oil tanker that broke through the Iranian blockade pic.twitter.com/jRhvkgQDvg
— Iran Force (@IranArmystan_) May 28, 2026
Source: Fox News, Fars, Jerusalem Post
